2025թ.ընթացքում բարձր ցուցանիշներ գրանցած աշխատակիցները պարգևատրվել են. ԲԸՏՄ

Այսօր տեղի է ունեցել Բնապահպանության և ընդերքի տեսչական մարմնի 2025թ. կատարված աշխատանքների ամփոփիչ միջոցառումը, որին մասնակցել են օրենսդիր, գործադիր և իրավապահ մարմինների ներկայացուցիչներ։

Միջոցառմանը ներկայացվել է 2025թ. ընթացքում իրականացված վերահսկողական աշխատանքների արդյունքները, ձեռքբերումներն ու գրանցված ցուցանիշները։

Արդյունավետ համագործակցության համար շնորհակալագրեր են հանձնվել գործընկեր պաշտոնատար անձանց։

Տարվա ընթացքում գրանցած բարձր ցուցանիշների արդյունքներով Տեսչական մարմնի մի շարք աշխատակիցներ և ստորաբաժանումներ արժանացել են հատուկ պարգևների.

կառուցվածքային ստորաբաժանման լավագույն աշխատակից է ճանաչվել Իրավական աջակցության և փաստաթղթաշրջանառության վարչության իրավական աջակցության բաժնի գլխավոր իրավաբան Մկրտիչ Սարգսյանը,

տարածքային ստորաբաժանման լավագույն աշխատակից է ճանաչվել Արմավիրի տարածքային բաժնի գլխավոր պետական տեսուչ Սեդա Բադիշյանը,

լավագույն կառուցվածքային ստորաբաժանում է ճանաչվել Ռիսկի գնահատման և վերլուծությունների վարչությունը,

լավագույն տարածքային ստորաբաժանում է ճանաչվել Լոռու տարածքային բաժինը։